அடர்த்தியான புருவங்களைப் பெற இதை செய்தாலே போதும்…
அடர்த்தி, கருமை, அழகான வடிவம் என முகத்தின் அழகை கூட்டி கண்ணுக்கு கவர்ச்சியாய் காட்டும் புருவத்தை எளிமையாக பெற வளமான விளக்கெண்ணெய் ஒன்றே போது என்கிறார்கள் சரும பராமரிப்பு நிபுணர்கள்..
வில் போன்ற புருவம் எல்லோருக்கும் பொருந்தாது என்பதை முதலில் புரிந்துகொள்ளுங்கள். உங்கள் முகத்துக்கு தக்கப்படி புருவம் இருப்பதே உங்கள் முகத்தின் அழகை மேலும் கூட்டி காண்பிக்கும்.
நீள்வட்ட முகமாக இருப்பவர்கள் அடர்த்தியான புருவத்தை விட மெலிதான புருவங்கள் வைத்துகொள்வது முகத்தின் வசீக ரத்தைத் தூக்கி காட்டும். உங்கள் முகம் நீளமான முக அமைப்பில் இருந்தால் வளைந்த புருவத்தைக் காட்டிலும் வளைக்கா மல் வைத்திருப்பது மிக அழகாக இருக்கும்.
வட்டமுகம் கொண்டிருக்கும் பெண்கள் நீளமான புருவத்தை வைத்தால் அழகான முகமாக இருந்தாலும் இதைத் தனியாக கூடாது. இது முகத்தைத் தனியாக காட்டும்.
புருவத்தின் தூய்மையை உறுதி செய்யுங்கள்
தலையில் அரிப்பு, நமைச்சல், பொடுகு போன்றவற்றின் பாதிப்பு புருவத்திலும் எதிரொலிக்கும். கூந்தலைப் பராமரித்தால் புருவங்களின் அழகும் கூடும்.
புசு புசு புருவங்கள் அழகை கெடுக்கும்
கூந்தலில் அடர்த்தி இருக்கலாம். ஆனால் புருவங்களில் கன்னா பின்னாவென்று முடி இருந்து புசு புசுவென வளர்வதுஅழகை கெடுக்கும். பொதுவாக இளம்பெண்களுக்கு ஹார்மோன் மாற்றங்களால் புருவங்களில் அதிகப்படியான முடிகள் வளர்வது இயற்கையே.
நீங்களாக உங்கள் திறமையைக் காண்பிக்காமல் சரியான அழகுக்கலை நிபுணரை அணுகி உங்கள் முகத்துக்கு ஏற்றாற் போல் த்ரெட்டிங் செய்து கொள்ள வேண்டும்.
முதல் த்ரெட்டிங்கில் கவனம்
ஒரு முறை மட்டும் த்ரெட்டிங் செய்தால் போதும் புருவம் அழகாகி விடும் என்று நினைப்பதைத் தவிர்த்து விடுங்கள். அப்படி செய்தால் புருவங்களில் இருக்கும் முடிகளின் வளர்ச்சி ஏற்ற இறக்கமாக மாறி முக அழகை கெடுத்துவிடும். குறித்த இடை வெளியில் அல்லது புருவங்களில் முடி அதிகமாகும் போது த்ரெட்டிங் செய்து கொள்ளலாம்.
முதல் முறை த்ரெட்டிங் செய்யும் போது சிலருக்கு கண்களில் வீக்கம் உண்டாகும். இந்த வீக்கம் சிலருக்கு வலியுடன்இரண்டு நாட்கள் வரை நீடிக்கும். எனினும் அச்சம்கொள்ள தேவையில்லை. த்ரெட்டிங்கிற்கு பிறகு க்ரீம் அல்லது சுத்தமான தேங் காய் எண்ணெய் தடவினால் எரிச்சல், வலி கட்டுப்படும். புருவத்தின் வலி ம்ற்றும் எரிச்சலைப் போக்க வெண்ணெய், பாதாம் அல் லது பாதாம் எண்ணெயும் பயன்படுத்தலாம்.
த்ரெட்டிங்கிற்கு பின்பும் கவனம்
த்ரெட்டிங் செய்துவிட்டாலே போதும் அடுத்தடுத்து புருவ வளர்ச்சியில் கவனம் செலுத்த வேண்டியதில்லை என்ற எண்
ணம் பலருக்கும் உண்டு. ஆனால் உங்கள் முக அழகுக்கேற்றபடி திருத்தப்பட்டிருக்கும் புருவத்தின் அமைப்பை வடிவ அளவை அப்படியே பராமரிப்பதிலும் உங்கள் கவனம் இருக்கட்டும். பெரும்பாலும் மெல்லிய புருவத்தைத் தவிர்ப்பது நல்லது.
பெரும்பாலான அழகு நிலையங்களில் பதினைந்து நாட்களுக்கு ஒருமுறை த்ரெட்டிங் செய்ய வேண்டும் என்று வலியுறுத்து வார்கள். ஆனால் அடிக்கடி புருவத்தையும், அதைச்சுற்றி தசைகளையும் தொல்லைக்கு உள்ளாக்குவது சமயங் களில் கண்கள், கண்களைச்சுற்றி இருக்கும் தசைகள், தலையின் பின்புறம் வலி போன்ற உபாதைகளையும் உண்டாக்கிவிடும்.
இயன்றவரை வீட்டிலிருக்கும் எளிய பொருள்களைக் கொண்டு புருவத்தின் அளவை வடிவை, அழகை பராமரித்துக்கொள் ளுங்கள். அழகான புருவத்தை மேலும் அழகாக்கி காண்பிக்க என்ன செய்யலாம் என்பதைப் பார்க்கலாம்.
புருவத்துக்கு மசாஜ்
மாத்திரை வடிவில் கிடைக்கும் வைட்டமின் ஈ ஆயிலை வாங்கி வைத்துகொள்ளுங்கள். இரவில் புருவத்தின் மீது ஆயிலை தேய்த்து புருவத்தின் மேல் மற்றும் கீழ் பகுதிகள் புருவம் சுற்றி இடது வலமாக பத்து நிமிடங்கள் மசாஜ் செய்வது புருவத்தின் அளவை சீராக பராமரிக்கும். இதேபோல் ஆலிவ் ஆயில் சுத்தமான பசும்பால் போன்றவற்றையும் பயன்படுத்தலாம்.
அடர்த்தியான புருவத்துக்கு விளக்கெண்ணெய்
அற்புதமான பலன்களை அள்ளித்தரும் விளக்கெண்ணெய் குறித்த விழுப்புணர்வு ஆரோக்கியத்திலும் அழகு குறிப்பிலும் அதிகமாக பயன்படுத்தப்பட்டு வருகிறது. சற்றே பிசுபிசுப்பு நிறைந்த இந்த விளக்கெண்ணெயை விரும்பாதவர்களும் அழகு பராமரிப்பில் இதனுடைய பங்களிப்பைக் கண்டு பயன்படுத்த தொடங்கியிருக்கிறார்கள்.
புருவங்களில் போதிய வளர்ச்சியில்லாமல் மிக மெலிதான முடியைக் கொண்டிருப்பவர்கள் புருவங்களில் அடர்த்தியைக் கொண்டு வர விளக்கெண்ணெயைத் தொடர்ந்து பயன்படுத்தலாம். வெறும் கை விரலால் எண்ணெயைத் தொட்டு புரு வங்களின் மீது வைத்து மசாஜ் செய்து வரலாம். அல்லது மஸ்காரா தீட்டும் பிரஷ்களின் உதவியுடன் இந்த எண்ணெயைத் தொட்டும் வைக்கலாம். விளக்கெண்ணெய் புருவங்களில் இருக்கும் மயிர்க்கால்களுக்கு ஊட்டமளிக்கிறது. இதனால் புருவங்களில் அடர்த்தி அதிகரிக்கும் என்பதோடு புருவத்தில் இருக்கும் முடியின் கருமை நிறமும் அதிகரிக்கும்.
எண்ணெய் பிசுபிசுப்பைத் தவிர்க்க நினைப்பவர்கள் ஒரு டீஸ்பூன் விளகெண்ணெய் உடன் அரை டீஸ்பூன் தேங்காய் எண் ணெய் சேர்த்து நன்றாக குழைத்து புருவத்தின் மீது தடவி வந்தால் புருவத்தின் அடர்த்தி அதிகரிக்கும். ஒரு பாட்டிலில் ஒரு பங்கு விளக்கெண்ணெய்க்கு அரை பங்கு தேங்காய் எண்ணெய் வீதம் கலந்து வைத்து தினமும் இரவில் இதை புருவங்களின் மீது பூசி வந்தால் நாளடைவில் முகத்தின் அழகை உயர்த்திக்காட்டும்.
புருவங்களில் முடியே இல்லை என்று நினைப்பவர்கள் இந்த விளக்கெண்ணெயைத் தடவி வந்தால் ஒரு மாதத்தில் புருவத்தின் வளர்ச்சியை அதிகரிப்பதை உணரலாம்.
கற்றாழைச்சாறு புருவத்திற்கு ஈரப்பதத்தை உண்டாக்கி முடியின் வளர்ச்சியை ஊக்குவிக்கும். வெங்காயத்தைச் சாறாக்கி புருவத்தின் மீது தேய்த்து மசாஜ் செய்துவந்தால் நாளடைவில் முடி வளர்வதைக் காணலாம்.
எச்சரிக்கை
புருவ அழகுக்கு செய்யும் மசாஜ் எதையும் கவனமாக செய்ய வேண்டும். புருவங்களில் தடவும் எண்ணெய், களிம்பு போன்ற வைக் கவனக்குறைவாக கூட கண்களில் பட்டுவிடக்கூடாது.
புருவத்தை அழகுப் படுத்துகிறேன் என்று அவ்வப்போது அழகு நிலையங்களுக்குச் சென்று பராமரிப்பதை விட எளிய முறையில் கொடுத் திருக்கும் குறிப்புகளைப் பயன்படுத்தினாலே அடர்த்தி, அழகு, கருமை நிறைந்த புருவங்கள் முகத்தின் அழகை கூடுத லாக்கி எடுத்துகாட்டும்.
NEWS UPDATES : HTTP://WWW.THAMIZHTHAGAVAL.COM
மேலும் பல செய்திகள், வேலைவாய்ப்பு செய்திகள், போன்ற அனைத்தும் தெரிந்து கொள்ள கீழ்க்கண்ட whatsapp குரூப்பில் சேர்ந்து பயன்பெறுங்கள்
https://chat.whatsapp.com/C06eOaGjCNg7SuEzzrJsSL
💻🖥️வெப்சைட்டில் வேலைவாய்ப்பு செய்திகள் மற்றும் பல : www.thamizhthagaval.com
Insta, Twitter, telegram,
facebook Page: https://www.facebook.com/profile.php?id=100092260209157
facebook : https://www.facebook.com/profile.php?id=100092407740299/
twitter: https://twitter.com/ThamilThagaval
Insta: https://www.instagram.com/thamizhthagaval.23/
Youtbue Channel : thamizhthagaval.com : https://youtube.com/@ThamizhThagaval.
